免費論壇 繁體 | 簡體
Sclub交友聊天~加入聊天室當版主
分享
返回列表 發帖

高登 — [男女都要補]中醫補腎交流

值得一睇既2013年高登中醫POST
感謝 你會否幫我含 巴打
http://archive.hkgolden.com/view.aspx?type=LV&message=4246824&page=1&highlight_id=0&authorOnly=False
戒色吧,告別頹廢,戒出精彩人生!

[url=]你會否幫我含[/url]


男人最忌就係腎虛, 好多時脫髮, 早洩, 成日累, 失眠多夢既情況都係因為腎虛。女性都係一樣, 女性35歲生理就開始走下坡, 唔及早進補一早35歲打後就老得仲快。特別係做空姐/ 護士呢d成日捱夜, 食無定時, 作息冇規律既人, 就特別快殘, 就係因為肝腎皆虛。各位巴絲可以係度交流下補腎心得。


戒色吧,告別頹廢,戒出精彩人生!

TOP

首先, 要同大家講一講中醫既腎同西醫有咩分別。

係西醫黎講, 腎就真係代表果腎臟, 即係身體果兩粒野。但係係中醫而言, 腎其實唔係單止腎臟, 腎其實係一個好抽象既慨念。係中醫黎講, 腎係主毛髮, 面部則主耳朵, 內在則主兩陰。

咁點解要補腎呢?本身腎為精之源, 而中醫入便既精, 唔係你打j果d精子, 而係先天既精元, 即係人既生命力既泉源。而人一生既生命力係有限, 男仔去到40歲就會到達生命既頂峰, 然後就會回落。女仔則35歲就會去到頂峰, 然後亦都係回落。所以d人話男人係襟老過女人, 就係因為男性既衰老期係比較遲。正正因為腎係人先天之本, 如果唔想一去到衰老期, 就極速衰老, 你就應該儘早補腎。
戒色吧,告別頹廢,戒出精彩人生!

TOP

首先講一講男性,

因為而家色情資訊十分發達, 好多男仔細細個就開始打j, 打得j多自然就會腎虛, 就點解會腎虛呢?因為你打j射出黎既精, 其實係靠先天既精元轉化。 你精元充足猶自可, 當你本身精元唔係充沛, 但係又縱慾過度既話, 就會腎虛(即俗稱既腎虧)了。

腎虛會有d咩症狀呢?
一般而言, 由於打得j多, 陰精不停外洩, 腎陰自然下降, 相對地腎陽就會旺盛, 呢d就係所謂既腎陰虛了。腎陰虛既話, 首先會尿頻, 因為陰主歛藏, 腎陰不足, 則不能鎖住尿液, 所以好易急尿。此外, 由於腎火旺盛, 因此你會覺得成日口渴, 好似飲極水都唔夠咁。另外, 承上文, 由於陰主歛藏, 腎陰不足, 亦會導致早洩既問題。

腎虛係咪剩係影響腎?
當然唔係, 係中醫角度, 心肝脾肺腎分別代表人體五行。 腎屬水, 肝屬木, 心屬火, 脾屬土, 肺屬金。腎主水, 由於水生木, 因此腎同肝就好似母子既關係, 腎負責住滋養肝陰既功能。如果腎出事, 陰陽失調, 則起唔到滋養肝既功能, 咁你既肝自然亦都會出事。

由於肝屬木, 主生發, 因此肝出事, 成個人就會顯得生機不足。面色睇黎就會暗淡無光。加上肝主筋骨, 如果肝有事, 成個人就會顯得容易疲累, 而且腰膝痠痛。另外由於肝陰虛, 肝陽相對就會旺盛, 肝火旺盛, 就會反映係人既情緒度, 所以會顯得情緒波動大, 容易發嬲。當你肝出事既時侯, 由於肝屬木, 心屬火, 如果肝出事, 自然會令到個心都有事。

由於心屬火, 主神志, 因此心出事, 個人既神志就會出問題。首先就係健忘, 另外就係容易頭暈。另外由於心陰虛, 心陽自然旺盛。 心火盛, 則成個人會精神亢奮, 表現出黎既症狀就係失眠而且多夢, 睡眠質素甚低。
戒色吧,告別頹廢,戒出精彩人生!

TOP

當你心出事既時侯, 由於心屬火, 脾屬土, 如果心出事, 自然會令到個脾有事。

由於脾主消化, 脾陰虛典型既症狀就係痾屎出問題了。通常脾陰虛既人, 通常會出形完谷不化(即係食乜痾物, 好似冇乜消化過咁) 或者便溏無力(即係痾出黎既屎好似pet泥咁, 好難痾乾淨) 或者直頭係便秘添。而由脾屬土, 肺屬金, 金生土。如果真係腎虛得咁緊要, 去到影響個肺既時侯, 就真係好嚴重。

由於肺主呼吸, 肺陰虛典型既症狀就係成日咳。肺陰虛既人, 由於肺陽相對強, 肺虛火盛, 由於陽主排出, 所以表現出黎既症狀就係成日乾咳。或者成日起痰, 但係好少而且粘性好強。成日口渴, 成日想飲水。同埋面上顴骨紅熱。如果有上述症狀, 好有可能就係肺陰虛了。

以上就係男性而言, 腎陰虛會影響到身體既症狀, 大家可以睇下中左邊樣, 就知j得多對身體健康既影響有幾大。

戒色吧,告別頹廢,戒出精彩人生!

TOP

除左男性需要補腎之外, 其實女性更加需要補。

唔好以為女性唔打j就唔會有腎虛既問題。 事實上, 你每個月黎m, 其實已經係損失左唔少腎精。由於陰主體液, 女性黎m既時侯, 腎陰會突然下降, 繼而影響肝臟, 令到肝陰減少, 最明顯既就係情緒會比較暴燥, 另外面色亦顯得較為憔悴。

另外, 成日食避孕藥, 或者食荷爾蒙藥既女性更加要小心, 因為呢d藥其實係好傷腎, 長期服用呢d藥, 亦有可能導致腎虛。

女性腎虛會點? 一般而言, 會係月經不調(m期唔準), 尿頻, 腰膝痠痛既情況。加上女性本身血氣就冇男性咁強, 因此一過頂峰期, 女仔就更容易周身痛。成日要去按摩拔罐。
戒色吧,告別頹廢,戒出精彩人生!

TOP

唔好以為腎虛只係影響腎, 對女性而言 腎虛更加會影響你個樣

正如前文所講, 由於腎屬水, 肝屬木, 如果腎有事, 自然肝都有事。加上女性既頂峰期較早(35歲), 如果唔趁後生進補。 到你老既時侯, 後生時期透支既既資源就要一次過還。呢個就係女仔話點解有d人特別快殘, 有d人50歲都好似40歲咁既樣既原理。

不但個樣會出事, 女性肝虛陰虛更加會影響皮膚, 不但令到皮膚缺乏彈性, 亦都更加容易出現皺紋同埋色斑等。對女性而言最大既本錢, 對乳房亦都會更易下垂。
戒色吧,告別頹廢,戒出精彩人生!

TOP

講完腎虛既影響, 而家就要講一講點樣補腎。

首先, 唔好以為凡係補腎既野都岩用, 其實進補都要講體質, 同埋講病源。腎虛其實只係一個通稱, 腎虛其實分三種: 腎陰虛, 腎陽虛, 腎陰陽皆虛。

腎陰虛係咩呢? 正如我前文所講, 腎陰虛就係指因為腎陰損得過多, 腎陰不足而導致既虛症。
腎陽虛係咩呢? 腎陽虛同腎陰虛相反, 腎陽虛係指腎陽不足而導致既虛症, 呢個比較常見於成日病既人/老人家/先天體質係陽虛既人, 當然而家亦都有年輕化既趨勢。
腎陰陽兩虛係咩呢? 顧名思義, 自然係腎陰腎陽都唔夠而導致既虛症。腎陰陽皆虛, 通常係出現係打j打得太多, 已經唔單止係陰虛, 甚至去到損陰及陽既情況, 或者係老人家。

注意我一開始所講既所有症狀, 全部係講緊腎陰虛, 如果巴打對自己體質有疑問既, 建議去睇中醫。
戒色吧,告別頹廢,戒出精彩人生!

TOP

一般而言。補腎既藥物有好多種。由於篇幅所限, 唔能夠隻隻都講, 咁我就重點講最多人熟悉既兩隻成藥:
六味地黃丸同埋金匱腎氣丸。

首先講一講六味地黃丸。六味地黃丸主要既中藥, 全部都係滋陰, 有部份係寧神。所以對腎陰虛既人而言, 六味地黃丸可以補腎陰, 從而解決問題。但係, 六味地黃丸只係滋陰, 如果本身唔係腎陰虛, 而係腎陽虛, 甚至係陰陽兩虛既人, 食呢隻藥, 不但解決唔到問題, 仲可能令病情惡化。因此, 腎陽虛, 腎陰陽兩虛既人都不宜服用此藥。

另外, 病緊既人都不宜服用, 因為係中醫角度, 你生病係由於外邪入體, 而六味地黃丸係滋陰, 而陰主歛藏, 你食呢味藥只會令外邪更加困住係身體入面, 令你病極唔好。

此外, 脾虛既人亦不宜服用, 因為呢味藥滋陰為主, 藥性偏寒涼, 食左會妨礙消化, 所以如果脾虛既人就不宜服用。

最後, 就算你真係陰虛體質, 呢隻藥亦不能多服, 最好跟住指引服用。唔好以為食得多就補得快, 要明白進補並非一朝一夕既事, 講緊最少三個月, 甚至以年計始見成效, 所以最忌心急。

戒色吧,告別頹廢,戒出精彩人生!

TOP

另外講一講金匱腎氣丸。

金匱腎氣丸同六味地黃丸好相似, 都係醫腎虛用, 甚至連成份都好相似, 兩者主要分別只係金匱腎氣丸多左兩味藥, 一為桂枝, 二為炮附子。桂枝同炮附子係咩藥呢? 桂枝係助陽, 而炮附子則為補陽之用。

所以可以見到, 金匱腎氣丸本身就唔適合腎陰虛既人用。因為呢味藥本身就係補陽, 如果你陰虛, 陽相對大盛, 你再補陽, 豈非火上加油? 所以腎陰虛者切忌食金匱腎氣丸。

反之, 如果你係腎陽虛既人, 食呢味藥就可以收補陽之效, 另外由於金匱腎氣丸仲有滋陰既功能, 可謂陰中有陽, 因此腎陰陽兩虛之人亦能收陰陽雙得之效。

注意, 呢味藥腎陰虛既人勿用, 另外如果你個人本身係燥熱上火既人, 亦都不能夠食用此藥, 以免火上加油。而女性則月經期/ 懷孕期間亦都勿用。
戒色吧,告別頹廢,戒出精彩人生!

TOP

最後講講點樣避免腎虛。

1. 男性要戒j, 正如前文所講, 打j十分傷身, 而且後遺症甚多。

2. 生活要有規律, 日夜顛倒/ 作息無常既生活特別傷肝腎, 因為夜晚係人生體滋養肝腎陰既時間, 當你夜晚仲做野, 就會不停消耗肝陰腎陰, 最終就會腎陰虛, 肝陰虛。最明顯既就係脾氣暴躁, 點解d人話護士/ 空姐成日都好似黑口黑面咁, 其實某程度上就係因為捱夜多, 肝火盛, 令到情緒暴躁。另外大家會發現, 空姐同埋護士特別快殘, 其實都係因為呢個原因。

3. 要及時進補。正如前文所講, 人既生命週期, 男性去到40歲係巔峰, 女性就35歲。咁點解有d人會好似食左防腐劑, 特別襟老呢? 一係人地先天體質好, 但係呢個恨唔黎, 可遇不可求。二就係補養有道。
當你不停進補,後生虧空左既精元可以及時補番, 起碼冇虧得咁勁, 從而令到衰退期既時侯可以冇咁傷。另外當你生命去到衰退期, 你進補亦可托住條線, 令到身體機能冇衰退得咁快, 從而令身體機能比年齡後生, 呢個就係最好既結局。

所以, 想身體好, 除左要注意日常生活之外, 唔好以為老左先要補, 其實後生仔亦都要補, 特別係都市人既生活本身就好傷身體。 所以冇事既要及早防患未然, 至於出左事既, 則亡羊補牢,未為晚也。
戒色吧,告別頹廢,戒出精彩人生!

TOP

[url=]你會否幫我含[/url]



巴打你都好夜訓

我估佢想問點會有耳嗚,我記得係關個腎事既


腎主毛髮, 主耳朵, 所以腎出事嚴重既話會有耳嗚

戒色吧,告別頹廢,戒出精彩人生!

TOP

[url=]你會否幫我含[/url]


咁打得j 多除左介j 介有咩方法

冇, 洩永遠快過補, 你唔戒j既話乜藥都救你唔到


戒色吧,告別頹廢,戒出精彩人生!

TOP

巴打如果我去到成日唔記得嘅階段係咪好嚴重?

自己睇番, 由腎開始>>肝>>>心>>>脾>>>肺, 你去到健忘, 即係話你腎虛己經影響到心既運作, 你話嚴唔嚴重?

去到脾要點救? 補邊part先


點都係補腎先, 因為腎係個根源, 最起碼要戒j先。
戒色吧,告別頹廢,戒出精彩人生!

TOP

[url=]你會否幫我含[/url]


另外我再解釋多次, 有人會問: 點解我打j 1星期打3次就出事, 人地每日1j點解冇事呢?

呢個係人既體質問題, 有人天生腎精充足, 咁咪變左洩多幾獲都仲有貨賣囉。但係唔係人人都係天賦異稟, 你貨源唔多, 仲成日出貨, 咪容易虛。

此外, 中醫呢門學問有好多野科學都解釋唔到。我在此聲明, 以上純屬個人意見, 信不信由你, 如果真係要討論陰陽五行, 奇經八脈既由來, 恕小弟才疏學淺, 答唔到各位專家了。
戒色吧,告別頹廢,戒出精彩人生!

TOP

[url=]你會否幫我含[/url]


我想知係咪一定要戒到某一定o既年數個人o既胃氣先好返[假設我J左好多年]

另外我身上有果啲西醫叫毛囊角化症的東東,係中醫黎講係咪因為我五臟六腑虛曬(特別係胃,因為J)



我發覺真係好難醫


中醫黎講醫虛症基本係以年黎計, 就算係見成效都起碼3個月至半年。至於西醫果d我冇研究, 詳情要請教專業西醫。
戒色吧,告別頹廢,戒出精彩人生!

TOP

[url=]你會否幫我含[/url]


打足十幾年丁,我已去到腎陰陽都虛既地方,重有救嗎

有, 睇你有冇心去戒j架姐。

戒色吧,告別頹廢,戒出精彩人生!

TOP

[url=]你會否幫我含[/url]


去睇中醫
應該點講自己咩事?
無理由一黎就話自己腎虧架


咪話自己縱慾太多, 搞到而家有d咁既問題發生。放心啦, 腎虛年中唔少男人走去睇中醫, 分分鐘人地一睇就知你咩症, 駛咩怕醜。

戒色吧,告別頹廢,戒出精彩人生!

TOP

[url=]你會否幫我含[/url]


我想下陽虛同氣虛係咪唔同??

陽虛係陰陽中既陽不足, 破壞左陰陽平衡, 令到陰陽不能調和。氣虛係指人既元氣不足, 而元氣係由腎既先天精氣+後天飲食得黎既水谷之氣+肺吸入既空氣組成, 任何一部份出事都有可能導致氣虛。
戒色吧,告別頹廢,戒出精彩人生!

TOP

[url=]你會否幫我含[/url]


1) 耳嗚,有明顯烏蠅聲
2) 見忘,發一發白日夢會唔記得左前一刻諗咩
3) 尿急,坐下或訓下會有明顯尿意,訓下zip 高patpat 會好d, 24小時都有尿意

點算:(
睇過西醫尿液測試無問題,但未試前列腺是否發炎:(


我剩係睇你既症狀, 個人覺得個腎有事, 其他臟腑有冇事就唔知。建議病向淺中醫, 去睇睇佢。
戒色吧,告別頹廢,戒出精彩人生!

TOP

返回列表