免費論壇 繁體 | 簡體
Sclub交友聊天~加入聊天室當版主
分享
返回列表 發帖

蕭別離第三次戒丁一週年紀錄

【前言】
2月22日,今日係我第三次戒丁一週年,之前戒過2次J,但結果都係失敗。今次吸收前2次既經驗,我相信呢一次我會成功,唔會再失敗,因為我已經失去太多太多。

係呢到,我希望各位可以寫自己既經歷出黎,就算未戒丁成功既你,可以寫自己打丁既紀錄出黎,當時出左D咩症狀,點樣比症狀折磨,洗左幾多錢醫症狀、悲慘遭遇等等,比我地香港人學習,唔剩止中國有戒色文章,寫出一篇屬於香港人既戒色文章!幫助我地香港人戒丁!

一個勇於說出自己醜陋的過去係需要好大既勇氣,就好似親手用手術刀幫自己個心做一次手術,把點點滴滴犯的過錯都識別到,並改過,你會發覺自己對打丁危害認識更深,對戒丁既覺悟更上一層樓,你唔會再咁輕易破戒。

我地80後尾、90後正正係深受其害既一代,經歷互聯網既發展,到依家只係打個網址,AV色情已經隨手可得,連下載都唔洗,毒害我地香港既年青人,就連3、40歲既男人都受色情片影響。

我到大專大學派傳單,見到好多全無精、氣、神既學生,雙眼無神、臉色灰暗、猥瑣,就好似見到以前既自己,睇見都為佢地既學生生活感到悲哀。我地知道打J危害既人,應該大力宣傳香港戒丁論壇,挽救香港所有男性。

點解我會不斷叫人戒J?因為我戒過兩次1年多時間,深刻體驗到戒J前同戒J後既分別。同埋學習傳統文化,知道行善積德既重要性,幫人戒J即係幫自己戒J,當有一個人因為你而戒J,你就成功救左一個人。



【打丁起源】
我係12歲讀中一果陣,果陣仲未知咩叫打飛機,經一位同學講起「上下上下抽CHOK」呢幾隻字,當晚就係屋企試,人生第一次射精(高潮)。就係呢一晚開始,成就我往後咁多年生不如死既人生。



【中學生涯】
隨手可得既快感,年少無知既我一次就上癮,根本唔識節制。中二中三都冇出D咩症狀,因為只係岩岩開始打J,腎氣仲好充足,同埋果時有運動既習慣,身體仲傷得起。

直到中四中五果陣,經過3—4年既時間,量變開始質變,症狀如下:

中醫:腎為先天之本,藏五臟六腑之精華。精液係用黎滋潤身體既五臟六腑,你射哂D精出黎,就會導致五臟功能失調,就會出症狀。你五臟六腑的精氣會表現在你臉上,因為臉是五臟的鏡子,所以打得J多個樣就會慢慢變猥瑣,變樣衰。

1:痾尿永遠都係最慢果個,尿細無力

2:膽小(腎主恐,腎虧就會膽小),表達能力差,講野1999咁,仲好易臉紅

3:腦力下降,成績慢慢變差,中醫講腎上通於腦,"精生髓,髓生海",腎精,生骨髓;又長養你的腦海,生腦海。能量本來是供給大腦的,而你卻通過打飛機耗損掉了,結果就是腦力大幅下降

4:怕黑,驚鬼,嚴重到夜晚唔敢去廁所(腎主恐)

5:手指骨折,做左2次手術(放鋼片同拎返出黎)。《醫法圓通》云:「要知人身三百六十骨節,無論何節,精氣一節不輸,則一節即成枯枝。」中醫講:腎主骨。手淫後容易骨質疏鬆,很容易出現骨頭方面的問題,骨頭似乎變脆了,容易發出響聲,好像缺少潤滑油一樣,也容易出現骨折等問題。同埋打飛機係邪淫,邪淫就係會令你既人生衰運不斷,諸事不順

6:皮膚開始變差,生暗瘡,腎虧影響五臟功能,導致內分怭分調

7:腋臭,口臭(打J過渡,身體虧空,腎氣不足,內分泌失調,五臟六腑運調紊亂,身體肯定會出毛病,出現口臭、腋臭是必然的)

8:行路UN下UN下,腳步輕浮,腳"爭”唔到地,成日比我媽話我行路行得好樣衰

9:講野好細聲,冇底氣,冇中氣,冇力

呢D都只係基本症狀,仲未到症狀大暴發既時期,但成個中學生涯已經係行屍走肉,浪費左咁多年既青春時間。好在有網絡小說、ONLINE GAME、同WAR3信長陪我,令到呢幾年都未去到絕望。


【畢業後兩年 — 症狀大暴發】
經過幾年既傷身縱慾,終於完美體驗到由量變到質變,以前只係行屍走肉,呢兩年去到生不如死既階段。所有症狀進化到更加嚴重,仲出現幾個新既症狀,完完全全活係地獄之中。

1:極度自卑冇自信、被動、內向、沉默,社交恐懼症

2:皮膚差同勁多黑頭,長期出油,走去做針清黑頭,之後個鼻24小時KEEP住紅,勁樣衰。之後去睇美容院,激光有,針清有,藥膏有等等等等,洗左好多錢,但係一D效果都冇用!其實係打飛機令你內分泌失調,唔係外面皮膚唔乾淨,而係入面唔乾淨,所以你做幾多美容都係冇用!

3:臉色灰暗,猥瑣,就好似由一個新鮮飽滿有光澤既蘋果,變到腐爛凹陷冇光澤既蘋果。已經J到唔敢照鏡,心諗點解可以咁樣衰

4:鼻竇炎,剛開始鼻子流黃色的鼻水,之後長期閉塞,由黃色的鼻水變成流鼻血,鼻子內部慢慢腐爛,產生臭味,每天都流濃濃既鼻血,訓教一定要用口透氣,生不如死,人間地獄,搞左好耐,照左好多次CT,食左好多藥,之後做手術後好返,總算捱左過去。

五臟中的腎五行屬水,在五行中與腎相生的臟器都會受影響,肺金(肺屬金)生腎水,根據母子相及、子病累及母的道理,金為母,水為子。如果水(腎)病了,肯定會過多地損耗金(肺),會導致金(肺)的不足和虛弱。而肺開竅於鼻,所以易得鼻炎!

5:蕁麻疹,個身會冇啦啦會癢,好似比針咭咁,緊張會癢。食辣野會癢。情緒起伏會癢。人多。監尬果陣會癢。每次戒J之後就冇再發生過。

6:嘴唇變厚、頭髮枯燥、易發脾氣、強迫症、早洩等等


【第一次戒色 — 1年零9個月】
戒色吧有一句名言:你戒不了J,是因為你傷得不夠深。經歷左呢2年既生不如死,我都估到係因為打J導致既,我就上網搵下打J有冇危害,搵左好多都講係正常生理需要,冇害,適度就冇問題,呢D言論真係害死左唔小年青人。直到見到「戒色論壇」既存在!

好多人見到一大篇文字就覺得煩悶,已經唔想睇,但興幸我從小開始就有睇開網絡小說既習慣,所以我對一大篇文字唔會覺得反感,反而享受睇文字,不斷學習戒色文,慢慢知道更多打J既危害同認識。

因為當時既我已經比症狀折磨到生不如死了,當我知道呢一切原來係打J導致既,我真係知驚了,唔敢再打J,見到戒色論壇一大班人一齊去戒,原來自己唔係一個人,好有動力,每日就上去睇文章。結果我戒到1年零9個月!所有症狀好返哂。

破戒原因:當我戒到1年3個月,我識左個女朋友,因為拍左拖,而且所有基本症狀都好返哂,好了傷疤忘了痛,覺得有女朋友已經唔需要再睇戒色文,驚惕性降低左,直到戒丁1年零9個月上左AV網破戒。



【第二次戒色 — 1年6個月】
足足破戒左5個月既時間,次數仲要非常密,同女友分埋手,直到有一次痾尿後條J冇啦啦劇痛,同埋個樣慢慢變返樣衰,皮膚又變返差,我就知道唔可以再J,開始我既第二次戒J之路。

戒左冇耐就發現左「戒色吧」,一個更多人戒J既地方,更多戒色文比我學習,仲有飛翔大哥既戒為良藥(當時只係抽幾篇黎睇,冇認真全部睇哂)。戒到2個幾月就係高登開左「打得J多腎已虧」既POST,叫人地戒J,宣傳戒J。其間不斷POST戒色文章,解答巴打既問題,間接令我自己睇更多既戒色文章。但可惜,最終都係失敗收場,戒到1年6個月,破戒!而破戒原因竟然同之前一樣!

破戒原因:又係戒到1年3個月識左女朋友之後,睇小左戒色文,有女朋友係身邊真係難戒好多,認為有左女朋友唔洗再睇戒色文章,驚惕性降低,係高登見到個AV POST,入去睇左>破戒!

不過呢次戒J經驗令我明白幫人戒J既重要性,先有我今日咁每日推POST,派傳單叫人戒J,開左個戒丁論壇出黎。同埋令我知道就算戒左1、2、3年,只要一放鬆警惕,放鬆學習戒色文章,一樣會好容易破戒,特別係識左女朋友既時候。


【足足破戒1年半,失戀後覺悟】
破戒後不斷破戒足足長達1年半既時間,已經完全變返一個自私又可憐既毒撚,女友終於頂唔順,同我分手。佢同我講:「點解你當初追我果陣靚仔咁多,點解依家可以咁樣衰?冇哂氣質魅力?」,而且腎氣不足導致我成日亂發脾氣,自卑冇自信,連同佢影張合照都唔敢,強迫症,令佢一次又一次失望,終於對我死心。

我好愛好愛佢,我真係好心痛。當時我都一直嘗試去戒,但我不斷失敗,依家諗返起,有女朋友係身邊真係好難好難戒,難好多好多倍,心魔一次又一次將我擊倒。我完全冇諗過佢會同我分手,直到分手後先醒悟,可惜一切已經太遲了。


【第三次戒色,徹底走上專業戒色道路】
分手後即刻重新上路,開始我第三次戒J,呢段時間入面,我將痛狠心魔既力量轉化為對學習既動力,我將戒色吧精品貼頭20頁既每個成長紀錄全部睇哂!仲有將戒為良藥由第一季到最尾果季全部睇哂!我就好似一個武林高手係一個隱世深山入面閉關咁樣,直到練成絕世神功後重出江湖咁樣。而呢本絕世神功秘笈就係《戒為良藥》!

《戒為良藥》令我徹底走上專業戒色道路,從中醫角度解析打J對腎虧、五臟六腑對身體一連串既關係,仲教你咩叫心魔、好多中醫知識、腎虧害處、觀心斷念、大量案例、心魔進攻方法、修心、養生等等。感謝飛翔大哥,除左父母,佢就係我既一生大恩人!

而《成長紀錄》就睇返作者既打J經歷同故事,作者寫返由開始打J到點樣出症狀,比症狀折磨,洗左幾多錢,人生點樣失敗慘痛,到最後發現戒色吧點樣改過自身,戒J成功既心德。睇完之後我發現原來咁多人既經歷同自己一樣,行屍走肉生不如死,打J既人都有好多既共通點,症狀黎黎去去都係果幾樣,你會學到好多,好有共嗚。

我不斷叫人睇戒色文學習,其實就係叫你走專業戒色道路,其實戒J真係有好多野要學,當你睇戒為良藥你就會明白,我地想戒J既兄弟,一定唔好強戒/盲強,即係靠自己意志力去戒,咁樣係注定失敗。我地一定要學習戒J知識,走專業戒色道路,堅持學習,慢慢迎接一個又一個既頓悟,到最後覺悟成功,戒J就冇任何難度了。


【進入更高的戒色層次 — 傳統文化】
我好興幸自己可以接觸到傳統文化,雖然我只係初學者,但已經獲益良多,就算你狂睇戒色文章,覺悟已經好高,徹底走上走專業戒色道路,但想戒J方面更加穩定,我地應該要學習傳統文化,學識點做一個岩既人,學識行善積德。傳統文化主要為三點:孝順、行善、修德。學習傳統文化,會對你既生命提升到更高的境界與層次。

飛翔老師:幾乎每位戒色成功的前輩都在學習傳統文化,即使走專業戒色的道路,最後要進入更高的戒色層次,還是要學習傳統文化。

傳統文化可以去睇下面兩位老師
秦東魁老師:https://www.youtube.com/channel/UCGbqgMSR8XSVQ5GZJRgNcMA/videos
陳大惠老師:https://www.youtube.com/watch?v=xKsLMPtIAkM&;list=PLcN41xGr8BM_X7ySZhfbilyKfwXVWljYm


【戒J後既轉變】
打J既你頭1—2年會冇乜症狀,因為仲未量變到質變。戒J都係一樣需要量變到質變既過程,需要戒左一段時間先會有好轉,戒到半年會睇到分別,所以戒J唔可以急,諗下自己J多咁多年,冇可能戒1,2個月就會有好大好轉。

腎氣已經嚴重不足,戒J就係等你個腎慢慢儲返腎氣,當腎氣充足,有額外多既腎氣就會拎黎滋潤身體(起碼戒到半年到一年既時侯),到時你既恢復就會不斷加快。

我2次戒J前都係一個毒撚,嚴重到唔敢同女仔對望,但係兩次都係戒到1年3個月就主動溝女成功,其實戒J既過程就係由毒撚慢慢變成男神,呢種變化要你戒到1年以上先感受到(傷得重既人),到時你就唔會忘記呢種強大又自信既感覺。

你可以唔靚仔,但你一定要有精氣神,戒J後起碼你雙眼有神,臉色好,皮膚好,頭髮好,氣質陽光自信,膽大,咁樣你到時要識女仔根本一D都唔難。

1:未戒J前,望返自己同人合照既相,你係睇唔清自己個樣,好似有層灰姐住左你個樣,睇唔清你個樣既五官。當戒左J之後,望返自己既合照,你會好清晰咁見到自己既樣,充滿陽光正氣自信,特別有氣質魅力。

2:生智慧齒,果陣狂破戒,隻智慧齒生到一半唔生,過幾個月都冇進展,搞到發炎口臭。當戒J後,好快就生哂成隻出黎。中醫:「齒為骨之餘」,齒與骨同出一源,牙齒也由腎中的精氣所充養,牙齒的生長與脫落,與腎中精氣的盛衰密切相關,腎中精氣充沛,則牙齒堅固不易脫落;腎中精氣不足,則牙齒易於鬆動,甚至早期脫落。所以,老年人隨著腎精的逐漸虛弱,牙齒得不到腎精的營養而脫落。

3:腦力提升,呢一點好重要,戒J一定可以影響你既運情。因為戒J後,你會變得頭腦靈活,轉數快,你會有一個聰明靈活既頭腦去選擇人生每一個決定,自然就會做出一個最岩最適合、唔會後悔既決定,變相你既人生、運情都會越黎越好。同埋腦力提升對你學習,工作效率都會大大提高。

4:變靚仔,無論臉色、皮膚、魅力氣質、五官都好大改變,係戒丁論壇睇對比圖就知,我個樣既變化就係對比圖入面師兄既變化,變得更靚仔,更吸引。

5:頭髮方面:我冇脫髮問題,但有M額同髮質枯橾問題,依家戒J一年,M額兩邊都已經生左唔少頭髮出黎。髮質變得柔軟貼服。

6:以前中學果時去唱K,個腦跟唔上歌詞,把口又冇氣冇力,成日走音,唱到一舊舊咁勁難聽。戒J後把聲有氣有力,就連正常講野都大聲有力又清晰,腎越好,唱歌會越黎越好聽。

7:所有症狀消失,其實戒J好處簡單黎講就係你依家有既症狀,戒J後就會全部消失。


【戒J經驗/心得】
戒色的三個階段。分別是:
初級階段:盲戒強戒,不學習。
中級階段:學戒。開始懂得學習戒色知識的重要性。
高級階段:悟戒。學而有所悟,才有可能戒色成功。

我的戒色經驗就是,每天看戒色文章,不要離開戒色文章,飛翔前輩有一句話說得很好:「戒色先明理」。要先戒色,必先對色情的危害有足夠的瞭解,認真學習,大量學習戒色文章,掌握戒色的原理,方法,提升自己的思想覺悟,走專業戒色路線,學習提高覺悟,用覺悟戰勝淫魔。

斷念口訣:
念起即斷,念起不隨,念起即覺,覺之即無。
這四句話剛開始每天至少背誦幾百遍,唔好等到有意淫先黎背,要達到形成條件反射,要做到自動防火牆的地步,就是不需要掙扎,不需要猶豫,自動就斷掉了,斷的很輕鬆,一點也不煎熬。

想恢復的快一點就多做運動,慢跑,固腎功,少吃肉,早睡。




【總結】
我敢肯定如果冇前2次戒J,我仲係一個A0毒撚,戒J前既我就好似一件垃圾一樣,成身症狀,根本冇一個女仔睇得上眼。感恩呢兩次戀愛經驗,令我知道乜野叫愛,令我開悟成長,令我明白打J會令我失去身邊最寶貴既野,你最重視果樣野,果樣野就會變得更差,例如你好重視皮膚,你既皮膚就會越黎越差。邪淫既人不配擁有愛情,有女既女友遲早唔要你,冇女既成身症狀溝唔到女。

諸事不順皆因虧孝、諸事不順皆因犯邪淫。而打J就係邪淫其中一種,打J亦都係不孝行為,身體係父母比你,你打J自殘自己既身體,腎虧導致脾氣暴燥發父母脾氣。邪淫既人比一條純潔既狗都不如。

點解古人唔將殺人為萬惡,反而將萬惡淫為首呢,因為邪淫會導致一連串既問題,而且最容易犯,綜合危害比殺人更大。只要邪淫+唔孝順,你既人生必定諸事不順。

幸運的是我24歲就知道打J害處,學習戒為良藥走上專業戒色道路,仲有幸接觸到傳統文化。

不幸的是我從打J開始,呢十幾年既時間,本來應該係呢個舞台上揮灑自如、談笑生風、大膽咁表演自己,而我卻只能夠站在舞台外自己一個自卑自閉、行屍走肉咁睇住其他人表演,成為一個廢人,浪費左呢段本來應該最青春熱血、最深刻、最多回憶既時間。仲有失去我深愛既人。

我深信將來會越黎越多人知道打J危害,西醫會公開聲明打J有害,教科書會加入手淫危害健康呢D知識,我地呢一代已經深受其害,希望00後唔洗步我地後塵,少走彎路。我希望各位努力宣傳,挽救更多既人!
戒色吧,告別頹廢,戒出精彩人生!

加油,支持,我們目的一致,邪淫是一種墮落,能使人應有的光輝和道德盡失,你們想見證人類靈魂的光輝嗎?

TOP

難得再分享,有d想將簫兄你呢篇文po係香討
介唔介意?

TOP

難得再分享,有d想將簫兄你呢篇文po係香討
介唔介意?
NEVERJ 發表於 2017-2-22 19:34


唔介意
戒色吧,告別頹廢,戒出精彩人生!

TOP

蕭兄,我介左一星期,出現左心悸情況,飯後特別明顯.請問係唔係戒斷反應?

TOP

蕭兄,我介左一星期,出現左心悸情況,飯後特別明顯.請問係唔係戒斷反應?
fmlaw1990 發表於 2017-2-26 22:10



   3個月內都算係戒斷反應
戒色吧,告別頹廢,戒出精彩人生!

TOP

回復 6# noj1314
感謝蕭兄,亦都好多謝你分享你ge戒色故事

TOP

回復  noj1314
感謝蕭兄,亦都好多謝你分享你ge戒色故事
fmlaw1990 發表於 2017-2-27 21:15



   不客氣,加油好好戒
戒色吧,告別頹廢,戒出精彩人生!

TOP

頂貼

TOP

感謝分享 希望香港的兄弟們可以一齊努力 互相支持 這條路走下去總有希望

TOP

返回列表