ReaLife's Archiver

noj1314 發表於 2017-10-25 23:57

WYX巴打

戒J文真係改變左我,感謝蕭巴係高登宣傳戒色。令我係萬惡既高登感受到正能量,一個充滿負能量既地方,點解咁講...
我係一位抑鬱社交恐懼既人,12-13年個陣最嚴重,蕭巴係13年中係科林宣傳戒色文。我先知原來打J係會導致神經症,大陸竟然有咁多人有同我一樣既案例,我真係除左驚訝之外就係覺得戒J係我唯一出路。

我個陣除左返學之外 冇返PT 冇溝女冇正常社交,放學就會哩係屋企意淫、睇咸片、J 然之後就搞到個人迷迷糊糊,最後就諗點樣自殺。
做人唔開心,只想搵方法無痛自殺,睇好多文之後都覺得自己要企番起身,原來我有得救(仆街 講撚到好似信耶穌咁 不過真係冇計 你冇經歷過情緒病唔會明呢種感受)再加上個陣學緊車,有目標考車前唔準破戒,咁就戒左五個月了。個陣13年11月,考完好似即晚打丁,太興奮 ,戒左呢五個月身體恢復不少,所以都keep住有繼續打,以為自己好番,但都一路學習緊戒色文。
以前一年打三百次,14年變左一年打一百次咁囉大約。不過搵唔番破戒前個種精神同埋起勁,可能因為冇目標去戒。就係咁戒戒破破,直到16年10月,抑鬱返黎了,我仍然冇朋友,只剩下工作。

同事一路逼我進步,俾野我係咁做,但係我搵唔到返工既意義,純粹滿足我老豆老母我有工返啦咁,俾下家用。我係有搵到錢但我唔開心,我同事鍾意夜蒲攬女,佢地好享受其中,但我融入唔到佢地既世界。問題係我冇咩朋友,只能夠跟著佢地去玩,因為我唔想返屋企得番自己一個。

講左咁多其實一個月只有一次同佢地咁玩,其餘時間放工之後佢地各自都有自己既圈子,結果我每日又係返工放工屋企,無限loop,返工意義係邊?最後我今年2月再次崩潰,向公司裸辭。真係做唔到野,好影響我工作狀態。我要搵返自己既社交圈子,我想開心做人,同人分享喜樂,好似我讀中學咁。我唔想再返返去自殺,成個世界都係黑色既思想入面,返工佔既時間太多,我發展唔到多自己既興趣,這就是香港。一切重新開始,放棄左人地覺得好重要既工作,去識新朋友,keep住戒丁。戒左8x幾日,去旅行放鬆左警惕,都係破左...冇朋友。五月再戒戒到今日,我已經識左兩班新朋友了!只要身心狀態健康,識朋友容乜易。我甩開左社交恐懼,唔再驚陌生人,唔驚聚會,講左咁多我終於做番個正常人,只係好基本既野黎。放假有人搵,唔會話一離開左公司就係呢個世界消失左咁,我下個月又要返工了,又要見番班同事。但係我身心狀態既大不同,希望幫到我唔會再三抑鬱,我搵到生存既意義了。

光明照前路 發表於 2019-11-20 22:47

推文,見到師兄無放棄到自己,係戒色路慢慢前進,到最後成功戒色,真係令人好鼓舞,同埋都要恭喜你找到方法去醫治自己的疾病,不放棄自己,堅持到底,才會找到人生方向!
祝前途似錦

頁: [1]

Powered by Discuz! Archiver 7.2  © 2001-2009 Comsenz Inc.