ReaLife's Archiver

noj1314 發表於 2017-2-17 23:41

WHATSAPP群巴打49日感想

Day 49
2017 一定要得

聽日就係第50日,我見好多巴打成日問有咩變化,有咩好轉,加上聽日就係一半既百日築基,所以想打少少感言,我唔係飛翔/蕭別離果d級數,更加大把巴打戒得耐過我,所以唔敢講分響經驗,各位當睇路人甲乙丙就得了

小弟沉迷左色情接近九年,當中壞影響多不勝數,好多野到到今日都仲係報應緊,例如家庭關係,朋友,同埋單身咁,就算唔計關係,都仲有好多問題響開始學識sy之後出現,影響一直到宜家.回想一下,可能有機會成為大好青年,今日淪落到咁既地步,可謂'拜'sy所賜。

九年,我估唔到可以戒到49日,le9年幾乎搵唔到一個月係冇sy過,回望返自己,簡直不堪入目。不過我知道,今日我確確實實戒左49日,容許我講句,我為自己戒到49日而快樂,對自己有一份肯定。

有好多巴打會問,戒得耐既巴打有咩變化,雖然le個問題係絕對可以問,不過我想分享一下我既感受,其實好當中好多變化,我覺得係好細微好細微,人地未必望到,但只有自己感覺到,或者用第二個講法'至少自己感覺到',例如我日日屙尿,有咩變化,le d 野只有我知,唔講跟本唔會有其他人知。我日日照鏡,只有我先發現塊面冇咁腫。我日日起身感覺精神左或者冇咁易攰,或者我冇用時間sy睇色情野,多左時間用,le d野只有我自己先會感受到,因為只有我地24小時對住自己,其他人眼中唔會知

所以我好想話俾各位巴打知,唔需要問到好確實肯定有效先去戒,其實你入得黎,有個諗法要戒,本身已經意識到有個問題,本本身身就要戒,只不過仲未真真正正想戒,想自己好,所以會多疑問,多猶豫。當你開始戒,可能要長時間,你就係親身感受到自己有咩唔同,人地講都唔夠感受,只有自己感受到。

另外,我發覺好多巴打會認為戒左之後就會溝到女,可能我理解唔好,但我覺得咁樣已經係為溝女而戒,咁樣係冇意思,好大機會會破,因為意識唔到戒既根本原因唔係為左任何人/任何事,而係為左自己,為自己既健康,同埋尊嚴而戰

我自己都會好想做到成續俾人睇,得到人肯定,但戒色令我明白到,有d野,你可以想自己做俾人睇,但有d野,你要做俾自己睇,對自己有種肯定。或者有巴打宜家學業/事業唔順,好多錯敗,俾人鬧,俾人睇唔起,但係有樣野你可以肯定,只要你戒色,你本身自身已經有份堅持,本身有習慣去修行,修自己既心,長時間唔做一樣對自既有害既野,長時間捉住一個信念,長時間抵抗到誘惑,le樣野已經係我地可以自己肯定返自己既一樣野。le d諗法可以係你既價值,人地唔會知你有冇sy,或者人地跟本唔當一回事,但重要既係你自己話要做既野,你做左。le樣野可以影響到你對外做野,有原則,可持續,抵抗誘惑既能力。希望可以話到俾大家知,戒色,係為自己既意思。

可能有巴打覺得我自我澎漲,我就澎漲到le道完,打le篇感想希望警醒自己:
近十幾日我知自己俾籍口自己,成日話忙冇睇文,雖然冇打,但唔睇文就成日yy,同時都感覺到yy都好大壞影響,生活開始唔規律,日日好多時間yy,剛起身又yy,上堂又yy,明顯精神差返。le十幾日其實幾乎同強戒冇分別,一日比一日危險,所以要睇文,我會繼續上黎打卡,轉貼戒為良藥。

九年,唔係一個細數,50日根本微不足道,我愈黎愈信世界有報應,有因果。我信要還足九年,甚至會被'加刑',因為其實每打一日,就等於積犯。希望各位巴打,未開始既快d開始戒,開始左既,記住'今日做既事,成就明天,如果重犯,就同往時沒有分別了'同時希望各位巴打繼續警醒小弟,我知我未來會有更多誘惑,我需要咁多位前輩指點

最後憑字寄意,各位一齊努力
'萬惡淫為首'
'邪來煩惱至,正來煩惱除'

頁: [1]

Powered by Discuz! Archiver 7.2  © 2001-2009 Comsenz Inc.